40歲的唐寧近排在IG仿傚古天樂，每天都會分享中、英文兩篇文章惡補英文，獲得不少網民力撐，她虛心學習同改進，主動叫大家指正她的用字和文法。原來，唐寧已經離開香港，難怪要惡補英文，她昨晚在YouTube Channel分享最新影片，名為「Where did we go？10月睇櫻花？唔通日本！拍旅遊特輯/讀書/移民？」，親自交代近況。
同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生
唐寧被過去童星生涯拖垮學業？ 仿傚古天樂每日寫作惡補英文【下一頁】
唐寧新片大賣關子，交代自己不在香港，畀幾個貼士網民，估估到底她身在何方。片中唐寧帶住愛犬藏獒開車，四周環境都是綠草如茵的廣闊平原，有大群牛羊出沒，心曠神怡。她隨後帶狗狗到一家花園餐廳，其實餐廳門外的餐牌已經出賣了她，見網址的尾是nz，代表她身在紐西蘭。
唐寧在櫻花樹林下坐下拍片，表示：「到底我搞緊乜呢？拍旅遊特輯？讀書？移民？其實呢我一路以來都有諗，以往我絕大部分都住村屋，我係咪想喺冇咁大都會嘅地方生活呢？大概十幾年前，我就開始去唔同嘅地方睇吓，結果我就揀咗呢一度喇！」
【凍齡女神】唐寧微電影由22歲演到46歲 事隔多年重現經典長髮造型【下一頁】
唐寧未有開估，同時解釋點解選擇呢個地方定居，「第一樣，一齊瞓吓草地先，呢度草地可以瞓覺、跑步、踩單車，莫講話親親大自然，呢個地方大部分人有自己草地同自己塊田，你係住咗入大自然，所以我成日都帶藏獒去公園瞓吓咁。而且我好鍾意佢哋種生活模式，好chill、好簡單，weekend唔係行商場，係去camping去沙灘，或者無啦啦睇櫻花就過一日。」
唐寧稱先後來來回回這個國家好幾次，最後決定來到這個地方，「我覺得而家算係半遊牧、讀書加裝修生活，經歷咗幾次『油牆』假期，都幾新奇有趣，拆蜂巢、刀仔鋸大樹等等！其實喺度經歷好多嘢，但又冇喺IG或者FB講，因為我想留啲內容，好好經營我YouTube Channel！」網民紛紛留言，幾乎清一色估到她身處紐西蘭，唐寧︰「將會送出明信卡給大家，大家多多支持訂閱我嘅Channel！」
唐寧2010年跟舞台劇導演兼演員鄧偉傑結婚，2011年及2015年誕下一子和一女，不過2017年兩人承認分居一年並辦理離婚，子女跟媽媽生活。唐寧以單親媽媽身分照顧兒女，不時一齊拍YouTube片烹調親子餐，但近兩年甚少見到與子女的合照，未知這次移居紐西蘭，一對子女是否同行？
唐寧YouTube：https://www.youtube.com/watch?v=UZjlQPqqNd8
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉